Salı, 26-09-2017, 00.31.02
Hoşgeldiniz Konuk | RSS

BAŞHÜYÜK

[ Yeni kayıt · Members · Forum rules · Search · RSS ]
Page 1 of 11
Forum » KARAÇAY-MALKAR Karaçay bla Malkar » Algışla » MALKAR ALĞIŞ
MALKAR ALĞIŞ
AssıTarih: Pazar, 13-09-2009, 22.04.28 | Mesaj # 1
Generalissimo
Grup: Administrators
Mesaj: 45
Ödüller: 0
itibar: 0
Konum: Dışarıda
MALKAR ALĞIŞ

Tıngılağız-tıngılağız-tıngılağız, avruvsuz boluğuz,
Tıngılamağanla bavursuz boluğuz.
Kuvançda boza ayaknı kolğa alayık,
Kırallıknı tüz colunda barayık,
Palahdan kurlay kalayık.
Alğış beri bolsun,
Karğış keri bolsun,
Anı süymegen teli bolsun,
Ağaçda aylanngan börü bolsun,
Ot cağasına ölü bolsun.
Bu kuvançha kuvannganla köp bolsunla,
Bu kuvançnı süymegenle ortabızdan tüp bolsunla.
Bu kuvançnı süymegenlege aythan sözleribiz ok bolsunla.
Altın bolsun teregigiz,
Kümüş bolsun keregigiz.
Kisey bolsun kölegigiz,
Ariuv bolsun süygenigiz,
İymanlı bolsun ölgenigiz.
Bu kuvanç köp cıllanı barsın,
Irıshı, nasıp üyügüzde tolup kalsın,
Aman adam mından çıkmay ölüp kalsın.
Irıshığız, nasıbığız köp bolsun,
Bolğanda da, alay bolsun:
Kökden cavğan cavun kibik,
Cerden çıkğan kırdık kibik,
Ağaçlada çırpı kibik,
Sabanlada kılkı kibik,
Kabartı’da cılkı kibik.
Irıshını, nasıpnı bergende, allayın bersin:
Katın berse – ariuvun bersin,
Koy berse – tüklüsün bersin,
İynek berse – sütlüsün bersin,
Ögüz berse – tarthanın bersin,
At bergende – çaphanın bersin!
Sıncırıbız kuruşmasın, üydegibiz uruşmasın.
Arbazıbız törtgül bolsun,
Kelinibiz ötgür bolsun.
Çerenibiz öre bolsun,
Kelinibiz tenglerine töre bolsun.
Arbazıbız taşlı bolsun,
Kelinibiz caşlı bolsun.
Atlannganda atha bolup,
Tebinngende malğa bolup,
Abınnganda tıyak bolup,
Karangıda çırak bolup,
Bir Allah’ha iynak bolup.
Kelgen kelinni ayağı colğa caraşsın,
Canı baylıkğa talaşsın.
Sözge homuh bolsun,
İşge ciger bolsun,
Tögeregi ulandan tolsun.
Erttenlikde ertte turup oltursun,
İngirlikge butu kibik urçuk toltursun.
Amanıbız altı bolsun,
Akılından cartı bolsun.
Ozğannı biz ozayık,
Ozğannı biz sozayık,
Bu kuvançnı beti bla,
Arğı tav arı bolsun,
Bergi tav beri bolsun,
Ortası kuvançdan tolsun.
Munu bizge kızğanıp bergen ese,
Kalğanı üy iyesine haram bolsun.

 
Forum » KARAÇAY-MALKAR Karaçay bla Malkar » Algışla » MALKAR ALĞIŞ
Page 1 of 11
Search:


Copyright Başhüyük © 2017